Бацькоўскі камітэт школы створаны ў мэтах садзейнічання школы і сям'і ў атрыманні сярэдняй агульнай адукацыі навучэнцамі, выхавання сацыяльна актыўнай асобы, якая спалучае ў сабе грамадзянскасць, высокія маральныя якасці, сваю індывідуальнасць.
Асноўныя задачы
Умацаванне сувязяў паміж сям'ёй, школай, грамадскімі арганізацыямі ў мэтах забеспячэння адзінства выхаваўчага ўздзеяння на навучэнцаў і павышэння яго выніковасці.
Аказанне школе дапамогі па выкарыстанні патэнцыйных магчымасцяў бацькоўскай грамадскасці па абароне законных правоў і інтарэсаў навучэнцаў і педагагічных работнікаў.
Арганізацыя работы з бацькамі (законнымі прадстаўнікамі) навучэнцаў школы па растлумачэнню іх правоў і абавязкаў, значэння ўсебаковага выхавання навучэнца ў сям'і.
Садзейнічанне ўмацаванню матэрыяльна-тэхнічнай базы школы, удасканаленню ўмоў для ажыццяўлення адукацыйнага працэсу, аховы жыцця і здароўя навучэнцаў.
Змест работы бацькоўскага камітэта
Каардынуе і рэгулюе дзейнасць класных бацькоўскіх камітэтаў.
Праводзіць тлумачальную і кансультацыйную работу сярод бацькоў (законных прадстаўнікоў) навучэнцаў аб іх правах і абавязках.
Аказвае садзейнічанне і дапамогу адміністрацыі школы ў правядзенні і арганізацыі пазашкольных мерапрыемстваў.
Аказвае ўсялякае садзейнічанне павышэнню аўтарытэту сярод навучэнцаў педагагічных работнікаў і іншых работнікаў школы.
Прыцягвае бацькоўскую грамадскасць да актыўнага ўдзелу ў жыцці школы, у выхаваўчай рабоце па месцы жыхарства навучэнцаў, садзейнічае развіццю самакіравання навучэнцаў.
Разглядае якія паступаюць у свой адрас звароты па пытаннях, аднесеных да яго кампетэнцыі.
Іншая работа ў адпаведнасці з ускладзенымі функцыямі.